Managam Haroan Pasahat ulos mula gabe.

Mauliate ma di Tuhanta hipas do hami mandapothon hamu lae dohot iboto nami dibagas namarampang namarjual  sigomgom nasa pangisina on .Songoni nang hamu hipas do hudapothon hami apala ditingkion .

Diari nauli dibulan nadenggan diparnangkok ni mataniari asa nangkok ma antong hagabeon dihamu lae dohot iboto nami .

Di namangora pamuro managam haroan sada dakdanak dihamu ro do hami mamboan dekke simudur udur asa sai marudur ma hamu tudolok tu toruan ,dison adong aek sitio tio asa tio ma aek inumon muna tio nang angka pansarian muna ,adong itak gurgur asa marbuhal buhal ma angka pansamotan ,manuk naniatur asa marsiaturan ma hamu dinalaho mangadopi haroan ni sada poso poso dihamu ,dison huboan hami pisang songon pangalambohi ma on dihamu lae dohot ibotoku .

Molo tung songonon pe naboi tarpatupa hami songon palashon roha muna dohonon ma songon hata ni situa tua bagot namarhalto niagatan dirobean horas ma hamu namanjalo sai tu tambana ma dihami hula hulamu namangalean  ...