Poda nauli

Sada guru manggurit di papan tulis :

5 x 1 = 7

5 x 2 = 10

5 x 3 = 15

5 x 4 = 20

5 x 5 = 25

5 x 6 = 30

5 x 7 = 35

5 x 8 = 40

5 x 9 = 45

5 x 10 = 50

Ndung Sae manggurit didompakkon guru i ma tu adopan ni muridna i ,mengkel suping angka murid i,huhut marhata metmet  adong nasala nadigurithon ni guru na i .

Disungkun amanta guru i  :

"Boasa mengkel hamu sude ?"

 Rappak mangalusi murid i  : 

" nomor sada i sala do i amang guru !" (Huhut mengkel ).

Dipanotnoti guru i murid na i ,mengkel guru i huhut dipatorang   :

" Husangaja do sala sada nauhugurit i .

Sada parsiajaran ma on dihamuna .

 Asa diboto hamu songondia pambahenan diportibi namangilason .

Nunga dibereng hamu sia hali ma hugurit nasintong ,tung sada pe hamu ndang adong mandok mauliate . 

Holan sada do hubaen nasala engkel muna nunga sahat tu sibarbar losung .

Maol dope hita mamuji parniulaan ni donganta namangkorhon hadengganon ,tung saribu hali denggan i .

Sabalga ni monis do hasalaanta pintor hatop do jebu songon jebu ni api ri namatutung di harangan . 

Ingot ma dongan .....

Tumandaan do hita tu jolma nasahali mambaen sala daripada tu dongan naung mangulahon nadenggan .

Molo tung adong angka sungkun sungkun nasala dipartungkoan  naulion unang ma pintor mangarehei .

Sotung do namanguji ibana dihita ndang binoto i.

Tarida do pangalaho sian panghataion.

Hasalaan i tabaen ma i gabe bohal mangula angka ulaonta ,asa mangkorhon hadengganon 

diari ari ni ngoluta tu saluhut jolma.

Horas ma hita sude.