LEAN DI AU ASA HULEAN DI HO

Hatiha dakdanak ahu masuk marsikkola sai huingot do pandohan " lean di ahu asa hulean di ho " sanga mangellem iba tu dongan. Adong nadeba sappe tangis molo so dilehon pangidoan  nanggo sambikbik kue ni donganna manang sappe metong-etong molo so dilean

Dung kalas 5 diajari ma peribahasa " ada ubu ada talas, ada budi ada balas.

Dung magodang binege ma pandohan " molo sinuan eme, eme do natubu  molo sinuan nadenggan sai nadenggan do na ro "

Dung marhasohotan binege ma muse " molo sinuan adat, sijalo adat ma muse "

Sipata mangapian do hita marnida ulaon adat pesta marunjuk ni dongan, soinama godang ni jolma na ro mangadopi ulaon adat marunjuk inon gariada siapata godang do na ro nata pe so diontang, ala diboto marulaon hasuhuton siadonang.

Niantusan ma iya manang ise jolma ringgas maradat dohot godang manuan adat pasti do ro godang dongan manggarar adat.

Alani i unang ma mangapian na losok tu adat marnida dongan namarulaon na ringgas ro tu ulaon adat aha pe taho i soinama na ribur dohot godang ni na ro.

Tung sintong do ndada hata2 lean di ahu asa hulehon di ho, manang ada ubi ada talas ada budi ada balas.

Dungi tung denggan ma mangadopi ulaon adat ni nasa natargoar HULA-HULA asa ringgas ro nasida tu ulaonta pasahat sihombarna.

Dungi unang ma nian mamilliti ro tu ulaon adat  mangida bohi manang namora  manang parpangkat.

Molo pe so boi ro suami - istri pinomat nanggo sahalak ro tu ulaon adat.

Tingko ma inggir-inggir bulungna i rata-rata  hata pasuan hata gabe sai pasauthon ma amanta namartua Debata.

Sahat solu tinogu ni holena sahat tu bontean, leleng ma hita mangolu sai sahat ma hita  gabean.